Chak ane, nan dat 31 jiyè, yon jou ki chaje ak lapenn ak refleksyon, pwofesè literati Widly Jean fè sonje yon vwa ki pa janm sispann pale nan kè pèp Ayiti. Se twazyèm powèm li dedye pou Liliane Pierre-Paul, jounalis Kiskeya ki te travèse nan yon moman difisil pou peyi a. Nan yon peyi kote lanmou ak laprès ap soufri anba pwa ensekirite, vyolans, ak mechanste, powèm sa a sonnen tankou yon apèl vivan pou moun pa janm bliye sa Liliane t ap denonse. Li se yon envitasyon pou nou tande vwa li, yon vwa ki pote limyè nan fènwa, yon vwa ki kanpe pou libète, jistis, ak verite. Nan pawòl sa yo, Widly Jean ouvè yon pòt sou doulè pèp la, sou tan k ap pase san rekonesans, sou espwa k ap kenbe tèt li malgre tout bagay. Se yon moman pou n sonje, pou n reflechi, e pou n kenbe flanm nan vivan pou jenerasyon k ap vini yo.

Widly Jean ki te siyen nan Livres en folie 2022 « Jacques Stephen Alexis en vingt-deux morceaux de Soleil », rannn Franketienne omaj nan yon powèm. Se yon reflèks lakay Widly Jean. Chak fwa yon mapou tonbe anba solèy peyi D’Ayiti li kristalize bèl nanm sa ki travèse nan yon tablo. Se ak mo, imaj, amoni, nan ritm expresyon ki pwòp ak li menm, powèt la penn yon kreyatè ki sa parèy. Tèks sa li ekri jounen jodi a se yon lòt fason pou l di Frankétienne Adye. Se yon orevwa, yon espwa k ap briye nan chak mòso solèy zèv Frankétienne mete sou chimen nou.